Palagi kong naiisip na karamihan sa aking mga problema ay masusulusyunan kung mananalo ako sa lotto. Posible ang lahat basta marami kang pera! Ngunit maaalis ba nito ang epekto ng alkoholismo sa aking pamilya?Magagawa ba nitong matino ang isang manginginom? Magagarantiya ba nito ang kaligayahan? Pera ba talaga ang gusto ko?
Syempre hindi. Ang talagang gusto ko ay ang gumaan ang aking pakiramdam. Wala nang makakatanggal ng lahat ng mga problema sa aking buhay. Dahil may mga paghihirap at problema sa araw-araw kong pamumuhay na kailangan kong tanggapin, ang tanging tunay na sagot ay humingi at maghangad ng katahimikan upang tanggapin ang mga bagay na hindi ko na mababago. Ngayon alam ko na ang katahimikan ay magagamit ko sa tuwing pumupunta ako sa mga pagpupulong ng Al-Anon pagkatapos ay doon ay magagamit ko ang mga prinsipyong natutunan ko sa aking buhay.
Hindi mabibili ng pera ang katahimikan; sa katunayan, marahil ay magkakaroon ako ng isang panibagong hanay ng mga problema at desisyon kung magkatotoo ang kapalaran na iyon. Ngunit bilang isang miyembro ng Al-Anon na umaasa sa tulong ng isang Mas Mataas na Kapangyarihan sa bawat problema na dumarating, ngayon pakiramdam ko isa ako sa mga nanalo sa buhay.
Paalala Ngayon
Ang katahimikan ay palaging nasa sa akin, ngunit trabaho ko na hanapin ito kung saan ito matatagpuan.
“. .. Sinubukan ko ngayong dalhin ang aking mga problema sa Mas Nakatataas na Kapangyarihan, ngunit iniiwan ko sa Kanya ang mga solusyon at ang time table.”
Tulad ng Naintindihan namin …