Ang bahagi ng aking paggaling ay nagsasangkot ng pagbaliktad at pagbabago ng ilang mga dating paraan ng aking pag-iisip. Nasanay na akong iwasan ang masakit na mga karanasan at sitwasyon, upang ligtas na manigurado at upang lumayo sa peligro. Ngunit ang buhay ay nagsasangkot ng sunud-sunod na peligro, at ang ilang sakit ay hindi maiiwasan. Tinutulungan ako ng Al-Anon na tanggapin kung ano ang mga ito.
Sa halip na tumakas, natututo akong hanapin kung saan nagmumula ang aking pagkabalisa. Bilang isang resulta, nalaman kong ang sakit ay mas mabilis na nawawala, at ang nakukuha ko ay kalayaan mula sa takot. Binibigyan ako ng Al-Anon ng mga kasangkapan, tulad ng imbentaryo ng Ika-apat na Hakbang, kung saan maaari kong tingnan nang matapat ang aking sarili at ang aking sitwasyon. Ang isang sumusuportang Sponsor, aking Mas Mataas na Kapangyarihan, ang Mataimtim na Pananalangin, at maraming mga pagpupulong sa Al-Anon ay tumutulong sa akin na makahanap ng lakas ng loob na harapin ang sakit, takot, at panganib.
Kapag iniiwasan ko ang pakikipagsapalaran sa mga panganib, palaging nasa akin ang takot, para bang itp’y nasa balikat ko lamang. Ngayon ay nalalagpasan ko ito at madalas na hindi ako nasasaktan. Hindi ko na kailangang mangamba para sa mga potensyal na panganib. Sa halip, maaari akong magtuon para sa aking sariling pamumuhay.
Paalala Ngayon
Ang mga kamangha-manghang bagay ay maaaring mangyari ngayon dahil tinatanggap ko ang kagalakan ng pakikilahok sa aking sariling buhay.
“Ang pag-iwas sa panganib ay hindi mas ligtas sa katagalan kaysa sa tuwirang pagkakalantad. Ang buhay ay isang mapangahas na pakikipagsapalaran o di naman kaya ay walang katuturan.”
Helen Keller