Ang mga hindi kasiya-siyang bagay na sinasabi o ginagawa ng ibang tao ay walang kapangyarihan upang sirain ang aking kapayapaan ng isipan o masira ang araw ko maliban nalang kung papayagan ko ito. Pinapayagan ko ba ang aking sarili na tumugon sa mga salita ng isang taong may sakit na parang ito lamang ang tunay na katotohanan? Maaari ba akong makakuha ng benepisyo mula sa pagtanggap ng kahihiyan:
Minsan nagtataka ako. Matagal kong ginampanan ang pagiging isang martir. Ang pagdurusa ko ay nagdala sa akin ng maraming atensiyon at awa. Nasanay ako na sisihin ang iba sa aking mga problema, at iniwasan kong managot para sa sarili kong buhay. Sa madaling salita, pinaghihinalaan ko na maaaring makinabang ako sa aking sakit. Ngunit ang mga benepisyo na iyon ay hindi na mahalaga.
Ngayon ay inaalam ko kung sino talaga ako sa tulong ng Mas Mataas na Kapangyarihan at ng programa ng Al-Anon. Mayroong isang magandang tao sa loob-loob ko na hindi na kailangang bumuo ng isang pagkakakilanlan sa gamit ang pagdurusa. Natututunan kong hayaang mamulaklak ang taong iyon sa halip na magtago sa likod ng isang balabal ng pagdurusa. Ayokong makaligtaan pa ang mga magagandang opurtunidad na magagamit ko upang mabuhay, lumago, at sumaya.
Paalala Ngayon
Napakaraming dapat pahalagahan sa buhay na ito. Hindi ako magsasayang ng sandali na kaawaan ang sarili ko.
“… ang mas malaking bahagi ng ating kaligayahan o pagdurusa ay nakasalalay sa ating mga disposisyon at hindi sa ating kalagayan.”
Martha Washington